Rumboia 215 – O Son do Río – De Raiz (2019)(12.41)

RUMBOIA RadioFusión

O Son do Río é un grupo de música tradicional que naceu arredor do ano 2010, e que recolle o seu nome pola súa relación próxima co río que atravesa a localidade da súa Mondariz natal. Como en cada ensaio "o son do río" estaba presente como banda sonora de fondo, naceu o nome da formación: 'O Son do Río', un grupo folk con música e voces, que a día de hoxe está formado por 14 compoñentes de Ortigueira, Vigo e Lavadores, Pontecaldelas, e Mondariz. O nacente deste río, situado nas parroquias de Gargamala e Frades, foi abrindo camiño e enriquecéndose coas as achegas de Sabaxáns,Llanoso, O Ortegal, Lavadores, Zamáns e Bouzas. Sobre un patrimonio familiar do que senten un gran orgullo, o seu río vai creando un esteiro onde teñen cabida as composicións tanto dos membros do grupo como das persoas que están perto do seu sentir. Destas orixes xurdiu tamén o título do seu primeiro disco, DE RAÍZ, no que cada tema é unha homenaxe á súa terra, os seus ríos, as súas tradicións e os seus devanceiros. Un disco que viu a luz en xaneiro do 2019 da man de Inquedanzas Sonoras e que é froito de axuntar as súas herdanzas das terras de Mondariz coas vivencias que tiveron arredor da música tradicional.