O Campus Industrial de Ferrol e o IGADI organizan as Xornadas de análisis das relacions entre China, a UE e Iberoamérica

Voces de Ferrol - RadioVoz

O Salón de Graos da Facultade de Humanidades e Documentación da Universidade da Coruña acolle, o vindeiro venres 25 de outubro, a partires das 10:00 horas, as II Xornadas “Ferrol no Mundo do Século XXI: China, Unión Europea e Iberoamérica no diálogo Oriente-Occidente” que organizan o Instituto Galego de Análise e Documentación Internacional (IGADI) e o Campus Industrial de Ferrol da UDC en colaboración co organismo de diplomacia pública Casa Asia. As II Xornadas “Ferrol no Mundo do Século XXI: China, Unión Europea e Iberoamérica no diálogo Oriente-Occidente” están dirixidas ao alumnado do Grao en Relacións Internacionais, titulación que se imparte na Facultade de Humanidades e Documentación do Campus Industrial de Ferrol da UDC, e abertas a toda a comunidade universitaria e ao público xeral interesado. A asistencia é libre e gratuíta ata completar o aforo. Máis información, enviando un correo electrónico a [e-mail] ou ben chamando ao 600 309 066.