Rumboia 219– Bouba Pandeireteiras – “Vinculeiras” (2017)

RUMBOIA RadioFusión

No ano 2007, na Pontraga, xorde un grupo de mozas dispostas a tomar o legado que lle ofrecían os máis vellos cantadores e bailadores da zona e converterse en herdeiras e transmisoras desta enorme fonte de cultura para as vindeiras xeracións. Nace, así, Bouba. Das máis vellas cantadores e bailadoras aprenderon o mellor; a alegría e a forza para defender o noso, con dignidade. E foi así como colleron camiño(s) cunha pandeireta debaixo do brazo, libres, e con moito que dicir. Porque son festa, son Bouba, mulleres do norte, de terras de muiñeira cabalgada e pateado. Aprenderon o esquecido e a forza de patadas trouxérono aquí, ao hoxe, para non deixalo marchar. A actividade musical e cultural das Bouba abrangue dende o lugar máis recóndito de Galiza ata os máis lonxanos países, onde a nosa música é moi ben recibida e apreciada.