"Verás, verás que te vou a cuntar" co Ti Martiño. Episodio 1.

22:37
 
Compartir
 

Manage episode 345680037 series 124680
Por @m0uz0 descubierto por Player FM y nuestra comunidad - los derechos de autor son propiedad de la editorial, no de Player FM, y el audio se transmite directamente desde sus servidores. Presiona el botón de suscripción para rastrear cambios en Player FM o pega el URL del feed en otras aplicaciones de podcast.
Igual xa non contabas con que voltaría nalgún momento Retrato Sonoro. Nun formato diferente ao acostumado, pero é que o protagonista deste Retrato Sonoro e dos capítulos que están por vir ben o merece. Tampouco é sinxelo tratar toda a información que me aportou e que teremos que ir debullando pouco a pouco, xa que logo foron 8 horas de conversa co convidado onde falamos de todo. E consideramos, Jordi (o responsable último da plataforma de podcast Sons), Emmanuel Vázquez, fiel colaborador deste podcast e que me axuda nos vídeos promocionais que podedes atopar no Instagram de Retrato Sonoro e outras plataformas e máis eu, Fidel Mouzo, que a mellor maneira de tratar a conversa co noso protagonista, Martín, era facelo desta maneira. Martín. Martiño. O Ti Martiño, como se lle denomina a unha persoa maior e respetable, na contorna de La Tejera, A Teixeira un lugar no concello de Hermisende, na Alta Sanabria que pertence á provincia de Zamora. E cómo en galego? Sinxelo, alí o falan. Cómo lle chamaremos a este podcast? Pois o título xa o dou feito Martiño: “Verás, verás que te vou a cuntar” co Ti Martiño. Porqué? Primeiro porque a frase sae do propio Martiño, pero tamén porque é a máxima representatividade do espírito co que Martín enfrontou as súas conversas conmigo. Unha persoa xa vella, porqué non decilo, pero cunhas ganas e forza para contar sobre os temas propostos que é digna de eloxio. Importante: o Ti Martiño ten agora mesmo 101 anos, a outubro de 2022. Preto das 103 primaveras porque cumpre anos o 4 marzo. A súa data de nacemento foi no ano 1921. Nas seguintes fotografías podes ver as homenaxes que se lle teñen feito no seu pobo natal e no País Vasco por estas circunstancias Despois da introdución e de darlle mil voltas sobre con qué comezar a escoitar a Martiño, quedanvos dous audios onde, primeiro falamos dos seus especiais apelidos Martiño Gordo Mostaza e logo o escoitarás nunha das partes onde puxo especial agarimo, como coñeceu e chegou a facer vida en común coa súa compañeira de vida, a xa falecida, Xon. Agardo que vos guste este primeiro capítulo, este primeiro volume, dentro de Retrato Sonoro, de “Verás, verás que te vou a cuntar” co Ti Martiño.

65 episodios