))
Vrede ..of Geen Vrede Nie
Manage episode 460800310 series 3072738
Contenido proporcionado por Jokkie Gauché on behalf of Berni Dymet. Todo el contenido del podcast, incluidos episodios, gráficos y descripciones de podcast, lo carga y proporciona directamente Jokkie Gauché on behalf of Berni Dymet o su socio de plataforma de podcast. Si cree que alguien está utilizando su trabajo protegido por derechos de autor sin su permiso, puede seguir el proceso descrito aquí https://es.player.fm/legal.
Jesaja 57:19 Dan sal hulle My weer loof. En hulle sal vrede hê almal van ver en naby. Want Ek sal hulle almal genees,” sê die Here. (NLV)
My liewe aarde - dis oorlog net waar jy kyk! Volgens die webwerf OurWorldInData.org, is daar elke jaar minstens 150 gevalle van gewapende konflik aan die gang. Dit is meer as in vorige dekades; maar toe reeds was daardie getal selde minder as100 op ‘n slag. Dis ‘n lelike prentjie, nè!
Deesdae praat almal oor Israel, die Oekraïne en die Midde-Ooste; maar Afrika bly ook maar 'n konstante broeiplek van konflik - iets wat selde in die Weste gerapporteer word.
Die verskriklike lyding oral oor die wêreld is heeltemal onaanvaarbaar. Honderde duisende mense ly daagliks. Een kind wat ly, is te veel. Een soldaat wat gedood word, is te veel, maar talle mense word daagliks afgemaai; en dit, terwyl die meeste van ons sonder om tweemaal te dink, net elke oggend opstaan, 'n warm stort neem, ontbyt eet en die dag ingaan.
Maar, so skokkend as wat hierdie getalle is, is daar selfs meer intense lyding onder die gewone mense aan die gang. Ja, ons praat nou van diep persoonlike konflik. Die konflik wat byna almal in hul verhoudings en in hul binneste ervaar; daardie lyding waarmee hulle op ‘n diep persoonlike vlak worstel; daardie probleme wat hulle daagliks in die gesig staar. Wat is die antwoord? Daar is net een … God.
Jesaja 57:19 Dan sal hulle My weer loof. En hulle sal vrede hê almal van ver en naby. Want Ek sal hulle almal genees,” sê die Here. (NLV)
God wil hê jy moet sy vrede ervaar. Hy wil jou leer om in vrede te lewe. Jesaja gaan voort in die volgende vers en sê dat daar geen vrede is vir diegene wat kwaad doen nie.
Asseblief, doen jouself 'n groot guns. Vermy die boosheid in jou lewe, kom dag-vir-dag nader aan God en laat Hom toe om vir jou 'n nuwe woord te leer: vrede.
Want dit is sy Woord. Vars … vir jou … vandag.
Support the show
1458 episodios
Compartir
