))
Vrede Begin By die Huis
Manage episode 450558358 series 3072738
Contenido proporcionado por Jokkie Gauché on behalf of Berni Dymet. Todo el contenido del podcast, incluidos episodios, gráficos y descripciones de podcast, lo carga y proporciona directamente Jokkie Gauché on behalf of Berni Dymet o su socio de plataforma de podcast. Si cree que alguien está utilizando su trabajo protegido por derechos de autor sin su permiso, puede seguir el proceso descrito aquí https://es.player.fm/legal.
Eksodus 20:12 “Eer jou vader en jou moeder, dan sal jy lank bly woon in die land wat die Here jou God vir jou gee.
Deesdae verskil die manier waarop kinders grootgemaak word, in baie dele van die wêreld, merkbaar van hoe dit in die verlede geskied het. En weet jy, in 'n groot mate is daardie veranderinge die kern van baie van die probleme wat ons vandag in die samelewing ondervind.
Daar is absoluut geen twyfel daaraan dat baie kinders in die verlede verskriklik sleg behandel is. Ons weet dat skoolstelsels, weeshuise, en selfs ouers en godsdienstige instansies, dikwels hieraan skuldig was. En dis ongelukkig in sekere gevalle steeds ‘n werklikheid.
Maar oor die algemeen sien ons dat die pendulum in die teenoorgestelde rigting geswaai het. Baie kinders word selde, indien ooit, gedissiplineer of verplig om take te verrig. Afwesige ouers gee uit skuldgevoelens toe aan elke begeerte van hulle kinders en oorlaai hulle met belaglike geskenke. In plaas daarvan om die kind aan te spreek, word die onderwyser deesdae dikwels geblameer vir die kind se swak prestasie by die skool.
En wanneer hierdie kinders volwassenheid bereik, is hulle bederf, selfgesentreerd en het hulle nie die veerkragtigheid wat hulle nodig het om 'n wrede wêreld daar buite die hoof te bied nie.
Jy het ongetwyfeld van die Tien Gebooie gehoor. Die eerste vier handel oor ons verhouding met God. En, waaroor gaan die volgende een?
Eksodus 20:12 “Eer jou vader en jou moeder, dan sal jy lank bly woon in die land wat die Here jou God vir jou gee.
En laat ons dit baie duidelik maak, hierdie gebod lê in die vyfde plek, voor die ander gebooie wat gaan oor moordpleeg, of egbreuk pleeg, of steel, of lieg, of jaloerswees. Want as jy nie gebod nommer vyf kan regkry nie, is die kans redelik skraal dat jy die res sal regkry.
Ouers, leer julle kinders om julle te eer en te respekteer. Behalwe om hulle na Jesus te lei, is dít die belangrikste ding wat jy ooit vir hulle sal doen.
Dit is God se Woord. Vars … vir jou … vandag.
1387 episodios
Compartir
