Divertimento - A Ría de Ferrol (o espertar dos peixes...) 28-11-2014

Divertimento para Pequenos Monstros

En Radio Filispim 93.9 Fm, nova edición de "DIVERTIMENTO para pequenos monstros", especial "Ría de Ferrol (o espertar dos peixes)". Noventa minutos de opinión libre, cuxa clasificación trascende o meramente "cenagoso". Falouse do estado de saúde da nosa Ría, dos recursos mariños, das Confrarías de Pescadores e as súas "Autorizacións", da Consellaría de Pesca, dos Plans de Explotación, Asistencias Técnicas, da Autoridade Portuaria, Forestal do Altlántico, Fábricas de Colas, Reganosa, Megasa, dos recheos e os cheiros (fedor), da formación náutico-pesqueira, do fenómeno crecente d@s traballadores irregulares da ría, dos fondos FEDER (que tamén feden), de misteriosos cursos de formación e até dos muros físicos e sicolóxicos. Mais tamén de futuro e esperanza, máis aló do cenagoso panorama actual... Para todo isto, contamos no estudio con: - Xaime, mariño mercante. - Joám Luis Ferreiro (Cesio), Biólogo e integrante da SGHN (Sociedade Galega Historia Natural). - Meli Criado, nautico pesqueira e "rebelde con causa". * Tiveramos gostado ter presenza d@s traballadores irregulares da Ría de Ferrol, cuxa intervención no programa tentamos ao longo da semana, mais ao través dun dos seus representantes, finalmente nunciaron que non poderían participar. Cara ao final do programa, tivemos comunicación cunha parte da "Columna Ferrolterra", integrada na Plataforma Galega das Marchas da Dignidade, que logo de varios días de camiñada chegaron o 29-N a Compostela para participaren xunto a milleir@s de galeg@s no "Toma o Obradoiro". Apresentou e conduciu: Pequeno Monstro. Grazas a Meli, Cesio e Xaime pola súas valiosas e valientes intervencións, nun tema tan "cenagoso" como é o da Ría de Ferrol. + info: http://pequenosmonstros.blogspot.com