))
Hoe Kan Jy Glo wanneer …
Manage episode 446093722 series 3072738
Contenido proporcionado por Jokkie Gauché on behalf of Berni Dymet. Todo el contenido del podcast, incluidos episodios, gráficos y descripciones de podcast, lo carga y proporciona directamente Jokkie Gauché on behalf of Berni Dymet o su socio de plataforma de podcast. Si cree que alguien está utilizando su trabajo protegido por derechos de autor sin su permiso, puede seguir el proceso descrito aquí https://es.player.fm/legal.
Johannes 5:44 Hoe kan julle ook in My glo terwyl julle gesteld is op die eer wat julle van mekaar ontvang en nie die eer soek wat van die enigste God af kom nie?
Het jy al ooit gevoel dat jy tussen twee vure sit? Het jy al gevoel dat daar 'n onoorbrugbare verskil bestaan tussen dít wat jy graag wil hê; met ander woorde die manier waarop jy jou lewe graag wil leef, en die manier waarop jy dag vir dag leef; en erger nog - die plek waarheen jy waarskynlik op pad heen is? Nee, my maat, jy is nie alleen nie.
Daardie tweestryd begin gewoonlik met 'n so ‘n effense ongemak, maar mettertyd verander dit in 'n soort dowwe pyn wat jy net nie kan afskud nie. En dan verander dit in 'n deurdringende pyn waaraan jy regtig iets moet doen. En dis presies hoe dit jare gelede vir my gevoel het.
Die probleem is, dat jy op hierdie wêreldse ‘rollercoaster’of te wel ‘n trapmeul van kompetisie beland het. Jy dink nou dat jy die eerste prys moet behaal in elke uitdaging wat op jou pad kom, en ‘n reuse sukses moet maak van alles wat jy aanpak. En die manier waarop jy jou sukses meet, is deur wat ander mense dink en sê; of hulle jou bewonder of jou kritiseer.
En dit, my maat, bring jou op die afdraande pad met jou briek los; jy word 'n verwaande aandagsoeker; jy word soos 'n verslaafde wat die hele tyd na die volgende regmakertjie smag, die volgende klop op die skouer, die volgende, "Jy is fantasties. Jy is ’n wenner.” Maar dit bevredig jou nooit heeltemal nie. Dit gee jou nooit die vrede waarna jy smag nie. So lei jy op die ou end 'n betekenislose hol bestaan. Klink dit so ‘n bietjie bekend? Jesus het eenkeer gesê:
Johannes 5:44 Hoe kan julle ook in My glo terwyl julle gesteld is op die eer wat julle van mekaar ontvang en nie die eer soek wat van die enigste God af kom nie?
My vriend, Jesus het gekom om jou van al hierdie dinge vry te maak. Hy het gekom om jou van hierdie wêreldse aandagsoek-verslawing te genees; om jou met sy heerlikheid te vul.
Dis Sy Woord. Vars … vir jou … vandag.
1391 episodios
Compartir
