Strákarnir eru í jólaskapi og bæta við nýjum dagskrárliðum þegar þeir velja sinn leikmanninn hvor og leikvang að í kaupbæti utan Skotlands. Megnið af púðrinu í þessum stútfulla þætti fer þó í hinn hreint út sagt gullfallega Ibrox, heimavöll Rangers.

Fjölfræðingurinn og guðfaðir hlaðvarpsins Stefán Pálsson segir frá árinu í Edinborg. Hvers vegna heldur hann með Hearts og hver er galdurinn á bak við forskot Celtic og Rangers? Stórskemmtilegt spjall við einn fróðasta knattspyrnuáhugamann landsins.

Eftir árs pásu og ferðina sem aldrei var farin er rykið dustað af skoskri knattspyrnu. Páll og Björn Berg ræða um þrjá leikvanga í East Fife, í námunda við Edinborg. Ljótasti völlur Skotlands, galnasta merki knattspyrnunnar og flottasta stúka landsins koma meðal annars við sögu.

10. þáttur hlaðvarpsins er sérstök viðhafnarútgáfa með gömlu kempunni og markahróknum Guðmundi Torfasyni. 3-0 sigurinn á Parkhead, ein sturta í klefanum, mölvaðir bílar, lögreglufylgd og fleira áhugavert í stórskemmtilegu spjalli.

Hallærislegustu vallarheiti Skotlands, falleg vallarstæði og sjarmerandi stúkur.

Fáir áfangastaðir eru jafn spennandi í huga þáttastjórnenda en Palmerston Park í Dumfries, heimavöllur Queen of the South. Rætt er um hann og þrjá aðra leikvangar í suðurhluta landsins.

Celtic er stærsti fótboltavöllur Skotlands og á sér áhugaverða sögu. Páll þekkir stemninguna vel og lýsir fyrir okkur hvernig upplifun það er að sækja stórleik á þennan magnaða leikvang.

Nágrannaliðin Kilmarnock og Ayr hafa bæði tengingu við KR en liðið datt út úr Evrópukeppni á 100 ára afmæli Rugby Park og Kristján Finnbogason lék á Somerset Park.

Það fara kannski fáir af fúsum og frjálsum vilja á New Douglas Park, heimavöll Hamilton, en þangað verður þó ferðinni heitið auk þess stokkið verður yfir ána Clyde til Motherwell. Þar stendur Fir Park, sumir myndu segja glæsilegur, aðrir ekki. Ekki nokkur spurning að þetta verður þó áhugaverður viðkomustaður á ferðinni.…

Þegar liðum í skosku deildarkeppninni var fjölgað úr 38 í 40 árið 1994 bættust hálandaliðin Inverness Caledonian Thistle og Ross County í hópinn.

Pittodrie, heimavöllur Aberdeen er að hruni kominn og ekki er nú mikið skárra ástandið á Dens Park í Dundee.Ravanelli og Haraldur Ingólfsson hafa þó leikið þarna og hin hörmulega aðkoma að Dens Park hefur svo sem sinn sjarma.

Einn áhugaverðasta nágrannaslagurinn í boltanum er á milli Edinborgarliðanna Hearts og Hibs. Rætt er um vellina, þegar þáttastjórnendur komu auga á King Kolo Toure á Tynecastle, flutning þriðja Edinborgarliðsins og fleira.

Tannadice, heimavöllur Dundee United, er af gamla skólanum.Björn og Páll ræða um þegar hann var lagður í rúst af fyrri leigjendum, baðkörin í dómaraklefanum, verstu boxsæti í boltanum og fleira.