Alberto Mancebo, Portugal e a francesinha xentrificada

Café Derby 21

Sempre se dixo, logo de decepcionarse co Goberno ou a sociedade, que menos mal que nos queda Portugal. Durante moitos meses, incluso anos, foi un país posto como exemplo de todo, ou case. Non significa que non o sexa, pero tampouco é (ou foi) sempre así. Vivimos quizais nunha burbulla de irmandade, de prexuízos e esperanzas na que somos criados desde miñocas pola que vemos á nación lusa como parte de nós. Para discutir e afondar nestas cuestións contamos con Alberto Mancebo, xornalista correspondente da TVG en Portugal que axudará a comprender parte da cultura, sociedade e mesmo gastronomía dos nosos eternos veciños.